練馬師蔡約翰喺剛過去嘅星期三嘅全泥夜賽度唔多出馬，整晚只派咗四匹參賽，但成績出色，先後憑「德心知遇」同埋「魅力寶駒」呢兩匹All Too Hard子嗣取得起孖成績，蔡廄季內已經攞咗41W，仲落後榜首伍廄13W，爭冠軍練馬師仍然要努力。
近期喺田草強配屢次拚但未見起色嘅「德心知遇」，剛過去嘅星期三喺第三場初跑泥地賽，配上上星期幫「加州星球」贏一級賽嘅艾道拿，就輕鬆打開勝門，賽後馬主之一嘅鄧詠琪表示，「德心知遇」喺泥閘試跑嘅表現好，所以安排佢去試泥地賽。雖然今場喺泥地贏馬，但之後嘅部署還要睇練馬師點決定。
到咗第五場香港中華出入口商會七十周年盃，蔡廄嘅「魅力寶駒」喺巴度胯下上力壓「傑出漢子」同埋「晶晶日上」成功捧盃，「魅力寶駒」至今兩戰泥地賽全勝。「魅力寶駒」上次贏同程，亦係力壓「傑出漢子」同埋「晶晶日上」，只係二三名位置對調，仍然構成翻版單T。
田泰安兩W泥地最強
另外，季內泥地賽成績最好嘅騎師田泰安，剛過去嘅星期三亦憑「喜悅一生」同「昇瀧駒」取得起孖佳績，仲成為騎師王。其中，「昇瀧駒」兩戰泥地千二米無敗，練馬師廖康銘因為喺澳洲購馬，剛過去嘅星期三唔在港，馬主團體經理人賽後表示，賽前對「昇瀧駒」再贏好有信心，因馬匹狀態非常好。
另外，方嘉柏尾場「獨角獸」爆19倍冷W，練者整晚雖然只1W，但另有2亞1季，成功反勝2W嘅鄭俊偉成為練馬師王。
本文由特約賽馬記者曉嵐報道，PP88體育為你整理。
更多今日免費賽馬貼士，請留意：免費賽馬貼士